ಅಲ್ಲಾಹನ ಮೇಲೆ ಭಯವಿಟ್ಟು ಅಲ್ಲಾಹನು ಕಲ್ಪಿಸಿದಂತೆ ಒಂದು ತಿಂಗಳುಗಳ ಕಾಲ ವೃತಾಚರಿಸಿ ಕೊನೆಗೆ ಶವ್ವಾಲ್ ಒಂದರಂದು ರಮಳಾನ್ ತಿಂಗಳು ವೃತಾಚರಿಸಿದ ವಿಶ್ವಾಸಿಗಳಿಗೆ ಕುಟುಂಬದ ಜೊತೆ ಸಂಭ್ರಮಿಸಲು ಹಾಗೂ ತನ್ನ ಸಂಪತ್ತಿನ ಮೇಲೆ ಝಕಾತ್ ನೀಡಿ ಅಲ್ಲಾಹನ ಪ್ರೀತಿಗೆ ಪಾತ್ರರಾಗುವಂತಹ ದಿನ...
ಊರಲ್ಲೆಲ್ಲಾ ಸಡಗರ ಸಂಭ್ರಮದ ದಿನ...
ಬಗೆಬಗೆಯ ತಿಂಡಿ ತಿನಿಸುಗಳನ್ನು ತಯಾರಿಸಿ,
ತಮ್ಮ ಕುಟುಂಬದ ಜೊತೆ ಪ್ರೀತಿ ಹಂಚಿಕೊಂಡು ಸಮಯ ಕಳೆಯುವಂತಹ ಸುಂದರ ಕ್ಷಣ...
ಆದರೆ ತನ್ನವರಿಗಾಗಿ ಎಲ್ಲಾ ಕಷ್ಟಗಳನ್ನು ಸಹಿಸಿಕೊಂಡು ತ್ಯಾಗಿಯಾಗಿ ಜೀವಿಸುವಂತಹ ಪ್ರವಾಸಿಯ ಈದ್ ಹೇಗಿದೆ ಎಂದು ನಮ್ಮವರು ಆಲೋಚಿಸಿದ್ದಾರೆಯೆ???
*ಪ್ರವಾಸಿಗಳ ಈದ್*👇🏻
ತನ್ನವರು ಉತ್ತಮವಾದಂತಹ ಬಟ್ಟೆ ಬರೆಗಳನ್ನು ಖರೀದಿಸಲು ತನ್ನ ಕೈಯಲ್ಲಿ ಇದ್ದಂತಹ ಎಲ್ಲಾ ಹಣವನ್ನು ಊರಿಗೆ ಕಳುಹಿಸಿ ತನಗೆ ಬಟ್ಟೆ ಖರೀದಿಸದೆ, ಇದ್ದುದರಲ್ಲಿ ಉತ್ತಮವಾದಂತಹ ಬಟ್ಟೆ ತೊಟ್ಟು ಬೆಳಿಗ್ಗೆ ಮಸೀದಿ ಕಡೆ ಹೊರಟು ಈದ್ ನಮಾಝ್ ನಿರ್ವಹಿಸಿ ತಿರುಗಿ ತನ್ನ ರೂಮಿಗೆ ಬಂದೇ ಬಿಡುತ್ತಾನೆ...
ಆದರೆ ತನ್ನ ಮನವು ಹಲವಾರು ವರ್ಷಗಳ ಹಿಂದೆ ಆಚರಿಸಿದಂತಹ ಊರಿನ ಸಂತೋಷದಿಂದ, ಸಂಭ್ರಮದಿಂದ ಕೂಡಿದ ಈದ್ ಹಬ್ಬದಲ್ಲಿ ತೇಳಾಡುತ್ತಾ ಇರುತ್ತದೆ...
ಆದರೂ ಆ ನೋವನ್ನೆಲ್ಲಾ ಬದಿಗೆ ತಳ್ಳಿ ತನ್ನ ಫೋನ್ ತೆಗೆದು ಊರಿಗೆ ಕರೆ ಮಾಡಲು ತೊಡಗುತ್ತಾನೆ...
ಆದರೆ ಊರಿನಲ್ಲಿ ಪ್ರತಿಯೊಬ್ಬರೂ ಈದ್ ಸಂಭ್ರಮಿಸುವಾಗ ಅದರ ನಡುವೆ ಪ್ರವಾಸಿ ಮಿತ್ರರಲ್ಲಿ ಮಾತನಾಡಲು ಅವರಿಗೆ ಸಮಯ ದೊರೆಯುತ್ತಿಲ್ಲ..
ಹಲವರಿಗೆ ಕರೆ ಮಾಡುವಾಗಲೂ *ಅಳಿಯ ಕೊರ್ಚೊ ಬ್ಯುಸಿ, ಪಿನ್ನೆ ಬಿಳಿಕ್ನೆ* ಎಂಬ ಉತ್ತರವು ಕೇಳಿ ಬರಲು ಸಾಧ್ಯವಾಗುತ್ತದೆ...
ಮನೆಯಲ್ಲೂ ಕುಟುಂಬ ಸದಸ್ಯರ ಸಂದರ್ಶನದಿಂದಾಗಿ ಅವರೂ ಬ್ಯುಸಿಯಾಗಿರುತ್ತಾರೆ...
ಅವೆಲ್ಲವನ್ನೂ ಪ್ರವಾಸಿಯು ಅರ್ಥಮಾಡಿಕೊಂಡರೂ ತನ್ನ ಮನದಾಳದಲ್ಲಿ ಉಧ್ಭವಿಸುವಂತಹ ನೋವು ಅತೀ ಕಠೋರವಾಗಿರುತ್ತದೆ...
ನನಸಾಗದಂತಹ ಕನಸುಗಳು ಇನ್ನಷ್ಟು ಅಧಿಕಗೊಳ್ಳುತ್ತದೆ.
ಮನಸ್ಸಿಲ್ಲದ ಮನಸ್ಸಿನಿಂದ ರೂಮಿಲ್ಲಿರುವ ಕೆಲವು ಮಿತ್ರರು ಜೊತೆಗೂಡಿ ಬಿರಿಯಾಣಿ ತಯಾರಿಸಿ ಅದನ್ನು ತಿಂದು ಇನ್ನಷ್ಟು ಕನಸುಗಳನ್ನು ಕಾಣಲೋಸ್ಕರ ಕುಳಿತಲ್ಲಿಯೇ ನಿದ್ರೆಗೆ ಜಾರುತ್ತಾರೆ...
*ಇದು ಪ್ರವಾಸಿಯ ಈದ್ ಹಬ್ಬ*
ಆದ್ದರಿಂದ ನನ್ನ ಊರಿನ ಕುಟುಂಬಿಕರಲ್ಲೂ, ಮಿತ್ರರಲ್ಲೂ ವಿನಮ್ರ ವಿನಂತಿ...
ನಿಮ್ಮ ಈದ್ ಹಬ್ಬ ಆಚರಣೆಯಲ್ಲಿ ಪ್ರವಾಸಿಗರನ್ನೂ ಸೇರಿಸಿಕೊಳ್ಳಿ...
ಫ್ರವಾಸಿಗರ ಜೊತೆ ಒಂದಿಷ್ಟು ಸಮಯ ಫೋನಿನಲ್ಲಿ ಸಂತೋಷಗಳನ್ನು ಹಂಚಿಕೊಳ್ಳಿ..
ಪ್ರವಾಸಿಗರು ನೋವಿಗೆ ಸಾಂತ್ವನ ನೀಡುವಂತಹ ಮಾತುಗಳನ್ನಾಡಿ...
ನಿಮ್ಮ ದುವಾದಲ್ಲಿ ಪ್ರವಾಸಿಗರನ್ನೂ ಸೇರಿಸಿಕೊಳ್ಳಿ...
✍🏻 *ಇಮ್ತಿ ಬೈರಿಕಟ್ಟೆ...*
